說明
十【愛心口罩 分享行動❤】
喺疫情嚴峻嘅日子，分享更顯得重要。樓上急大家所急，為您哋搜羅咗20萬個成人3層口罩(主要來自印尼)💪分享俾樓上會員同其他市民！今個星期四20號早上10點起就會經Facebook換購，會員同非會員各有10萬個(每登記名額可$1換購5個)。同時我哋亦會繼續周圍去撲口罩，希望可陸續增加換購名額，一齊同❤抗疫！
樓上嘅會員們，呢個時候施比受更難能可貴，如果您已有一定數量嘅口罩，可以將名額留返俾有需要嘅人。只要您照樣登記，我哋會有小小心意回饋返，就係可以用$1任選$40或以下產品一份～
【愛心口罩 換購流程介紹❤】
2月20日（星期四）早上10點開始經網上登記。會員及非會員都係同時進行～
點解會經網上登記呢？係因為近日見到大家經常要冒著寒冷天氣通宵排隊撲口罩，所以今次安排透過網上電子印花登記，令大家只需要手機輕鬆撳，就可以揀定換購嘅門市，根據指定日子去換☺️
雖然我哋初步已經準備好20萬個口罩，但現時仍會繼續努力增加貨量，希望稍後可提供更多換購名額！不過我哋所有門市都係無口罩現貨出售，只供網上登記換購！
